Nafnið Freyjugarður vísar til þess að garðurinn er tileinkaður íslenskum skáldkonum en ljóðastandar í garðinum bera ljóðatexta eftir fimm íslenskar núlifandi skáldkonur. Hugmynd garðsins er hugarfóstur Sigrúnar Úlfarsdóttur en hönnunin er eftir Landmótun.

​

Garðurinn er staðsettur í grónu hverfi í hjarta Reykjavíkur við Freyjugötu. Fallegir pollar lýsa leið gesta inn í garðinn. Veggmynd eftir Narfa Þorsteinsson fær nýtt líf þegar rökkva tekur en miðpunktur verksins, sem ber heitið Yggdrasil, er innrammað með gobokastara. Kastarar draga fram trjákrónur og í horni garðsins hangir lampi sem gefur heimilislegan blæ.

​

Öll lýsing er 2700K og dimmast samkvæmt forskrift til að valda ekki truflun, ljósmengun eða orkusóun. Pollar lýsa áfram inn í nóttina til að skapa öryggi í garðinum. Tveir litakastarar lýsa stóra trjákrónu breyta um lit í takt við tilefnisdaga.

Formleg opnun garðsins fór fram 6. september en fjallað var um opnunina á heimasíðu Reykjavíkurborgar. 

​

Frá hugmynd að veruleika

Í hönnunarhluta verkefnisins var notast við tölvugerðar þrívíddarmyndir til að móta og kynna hugmyndavinnu og nálgun verkefnisins. Tölvugerðar myndir voru jafnframt notaðar í grendarkynningum. Myndir úr hönnunarferlinu má sjá hér fyrir neðan.

​