Garðatorg í sumarbúningi

Garðatorg er eitt af örfáum almenningsrýmum á Íslandi sem nýtur þess að vera varið gegn veðri og vindum. Rýmið er á sama tíma gangur og torg og býður upp á ýmsa möguleika fyrir bæjarlífið í Garðabæ. Liska vinnur nú að ljósvistarhönnun á torginu sem verður hluti af stærra verkefni sem snýst um að lífga upp á og gera menningu hærra undir höfði á svæðinu. Lýsingu í rýminu er stýrt þráðlaust og bíður kerfið upp á marga möguleika, m.a. lifandi lýsingu sem aðlaga má að viðburðum eða tíma dags.

Stefnan er sett á að klára uppsetningu á lampabúnaði fyrir næsta haust en nú þegar er búið að koma upp litríkum filmum setja svip sinn á torgið á sólríkum dögum. Litskrúðugar filmurnar (e. iridescent) eru sýnilegar að utan en varpa einnig marglita skuggum inn á torgið.

Litur skuggana breytist yfir daginn eftir því hvaða gráðu sólargeislarnir lenda á filmunum.

Við óskum ykkur gleðilegs sumar og bjóðum ykkur á að koma við á Garðatorgi, njóta litanna og taka nokkrar ,,sjálfur“.

Allar myndir eftir Kateřinu Blahutová, lýsingarhönnuð hjá Lisku ehf. og aðalhönnuð verkefnisins.