Garðatorg í nýju ljósi

Undanfarið hefur Garðabær staðið að endurbótum á Garðatorgi með það að markmiði að lífga upp á og gera menningu hærra undir höfuð á svæðinu. Ljósvist spilar þar stórt hlutverk en endurbætur hafa verið gerðar til að ýta undir samspil rýmis og lýsingar.

Í dagsbirtu fellur ljós í gegnum litaðar filmur sem skapa skemmtilega upplifun gesta. Filmurnar hafa þann eiginleika að litur ljóssins breytist eftir því hvaða gráðu sólargeislarnir lenda á filmunum.

 Þegar rökkva tekur teiknar raflýsing upp gleryfirbygginguna. Mögulegt er að breyta um lit á lýsingunni í takt við viðburði eða tilefnisdaga. Markmiðið með lýsingunni er að styrkja rýmið sem samkomustað þar sem lýsingin hefur áhrif á upplifun gesta og vonandi ýta undir fjölbreytta notkun rýmis þar sem lýsing hefur jákvæð áhrif og vekur gleði.

Ljósmyndir: Katerína Blahutova